عرض للطباعة
انا دلوقتي خلصت 2 ثانوي وداخل 3 ثانوي انا متحمس جدا وف نفس الوقت قلقان جدا انا خايف من غير سبب مع العلم ان مستوايا الحمدلله دراسيا كويس بس بردة خايف.اعمل ايه محتاج نصايحكم انا كنت ناوي ابدأ ف اول رمضان بس طلبي قوبل بالرفوض من المدرسين نفسهم وقالولي اني هزهق فبدأت ف كورس انجليزي عشان استعد وكدة. انا قلقاااااااان
مفيش حاجه تقلق
دي مرحله كلنا عدينا او هنعدي عليها
ان شاء الله هتعدي 3 ثانوي و تخش كليه و بعد كده تتمرمط 3 سنين في الجيش ... لو ملكش جيش او ليك واسطه تبقي نفدت بجلدك :d
بعد الجيش هتدور علي شغل و تاخد 900 جنيه ده لو لقيت شغل اساسا و تبوس ايدك وش و ضهر عليهم و تقول احسن من سوريا و العراق ... قصدي احسن من اي واحد عاطل :d
لو معاك فلوس هتفتح مشروع و ربنا معاك برضه ... لو معاك واسطه تشغلك يبقي فل ... لو هجيت من هنا يبقي ربنا بيحبك :d
ربنا معاكو
ابني الكبير داخل تولي ثانوي
وبيبتدي حجز عند المدرسين
لكن بخصوص الثانويه
شوف هدفك واعمل بجد واخلاص
ان الله ﻻيضيع اجر من احسن عملا
انا بدور علي حد يطمني مش حد يحبطني حرام عليك دة انا كدة اتعلملي صنعة واطلع من الثانوية خالصاقتباس:
المشاركة الأصلية كتبت بواسطة باسم يوسف
انت مش مطالب بأكتر من انك تعمل الى عليك و تتوكل على الله
تروح طب --متروحش حاجة دا نصيب
لا بطمنك و لا بحبطكاقتباس:
المشاركة الأصلية كتبت بواسطة mostafa bedo
انا بحكيلك عن الواقع اللي احنا عايشينه في البلد دي
انا مقولتش اتعلم صنعه او سيب تعليمك
انا بقولك ان المشوار طويل و مليان مطبات و بلاوي زرقه
و انت و شطارتك بقه
موضوع انك تكون قلقان فده طبيعا وكلنا كنا كده ولو مكنتش قلقان يبقى انت مش طبيعى :)
مش عايز احبطك بس كل اللى اقدر اقولهولك اعمل اللى عليك بنية خالصة لله وتقرب منه وسيب الباقى على ربنا
انا واحد من الناس لما كنت فى اللجنه بتاعتى كانوا المراقبين بيسهلوا عمليات الغش واللى عيز يقوم من مكانه ويبدل مع واحد تانى واللى يغش من الموبايل ويبقى عارفين وشايفين وساكتين الكل غش الا انا وطبعا هما جابوا مجاميع اعلى منى بس قدر ولطف الحمد لله
الحل لو عايز تدخل كلية قمة انك تشوف موضوع الثانوية السودانية تدخل هندسه فى مصر جامعات حكومية ب 85 فى الميه وحاجات غريبه كده
الحل التانى انك تاخد كورسات المانى من دلوقتى ولما تخلص ثانوية عامة تسافر على المانيا وتدخل كلية هناك
الهندسه بتاخد فى المانيا من 60 % وده لانهم مش بيعتمدوا اوى على مجموعك ومصاريف الدراسة فى السنه كلها 500 يورو شامله الانتقالات
الخلاصة .......... اعمل حسابك انك تخلص وتهج من البلد دى
مش هأقولك حاجة غير حب ما تعمل حتي تعمل ما تحب ... اجتهد عموماً في حياتك و حط في دماغك إن ثانوية عامة مجرد سنة زي أي سنة و امتحان زي أي امتحان و فترة و هتعدي من حياتك و تفتكرها في يوم من الأيام و تقول "هو أنا كنت خايف منها كدة ليه" ... شد حيلك و إن شاء الله ربنا هيوفقك و تدخل الكلية اللي انت عايزها
انا مش حاطط دماغي اوي ف السفر لاني بالفعل بسافر كتير بس مبستريحش والله غير هنا وحكاية السودان والمانيا بردة مش شايفها عملية انا همتحن هنا وادرس هنا زي كل اللي ف سني وبعدين انا كنت قاعد ف المانيا والعيشة مش سهلة بالمرةاقتباس:
المشاركة الأصلية كتبت بواسطة yahiaashraf
بس هي للاسف مش زي اي سنة دي هتبقي مستقبلي كله انا بقالي 11 سنة ف التعليم عشان السنة دي مش قادر اعتبرها سنة عادية خالصاقتباس:
المشاركة الأصلية كتبت بواسطة eng.mark
وفر مجهودك و ريح اليومين دول و استمتع بوقتك و متدخولش حامي اوي علشان متزهقش بسرعة وزع مجهودك علي السنة كلها و زاكر اول باول و حل كتيير و بلذات كتاب الوزارة و ركز اوي اخر السنة و اعمل اللي عليك و اعرف ان رزقك مكتوبلك من ساعة متولدت و المكتوبلك هو اللي هيكون و متزعلش علي حاجة محدش عارف الخير فين بالتوفيق .
تبدأ تذاكر بجد واجتهاد من أول يوم
وتحافظ على الثانية من وقتك لدراستك
وتبقى متعتك وراحتك فى المذاكرة
وأوعى تعتمد على الدروس الخصوصية فقط وتقضى يومك جرى ورا الدروس وخلاص
لازم المذاكرة الفرديه ولازم ترتب المعلومات فى دماغك بينك وبين نفسك
الدرس مجرد بيفتحلك الطريق
وبالتوفيق ان شاء الله
سيبك من كلام اى حد يحبطك
واعمل لنفسك هدف انك تدخل هندسه او صيدله يعنى خد بالاسباب اللى تخليك يبقى عملت اللى عليك وبالنسبه لسوق العمل فى مجال الهندسه فهوه مفتوح ومطلوب
انما معلش متدخلش الثانويه وتروش وفى الاخر تدخل اى كليه مش مطلوبه فى سوق العمل وتلاقى فى المدرج معاك بالـ 10 الاف طالب
عليك وعلى الحربية او الشرطة
غير كدة كل الكليات زى بعض طبيب زى المهندس زى بتاع المعهد زى دبلوم كلة يتساوى في التقدير والمرتب كمان
فالحكاية مش مستهالة قلق أصلا ولا خوف لان كلة زى ما قلتلك زى بعضة الا لو معاك واسطة وروحت كلية حربية او شرطة ساعتها فقط اقدر اقلك
عيش في مصر غير كدة فطريقك مسدودا مسدودا يا ولدى
ابدأ دروس قبل الدراسة بشهر .. و هى سنة عادية جدا
و اهم حاجة فى السنة دى انك تخلص الدرس تروح تذاكرة على طووووول بالكتير جدا اليوم الى بعدة .. بكدة هتاخد وقت اقل فى المزاكرة علشان المادة لسة مشروحالك .. و هتفتكرة بسرعة فى اوقات لاحقة
أنت علمى علوم ولا رياضيات ؟
اما حد بيقولك واقع البلد ده مش احباط ولكن عباره عن تجارب اخريين فى موضوع الثانويه ....يعنى من دلوقتى احمد ربنا انك عرفت لو مجبتش مجموع فعادى جدا وكلها ارزاق
Try your best & enjoy
علمي رياضةاقتباس:
المشاركة الأصلية كتبت بواسطة Elawany13
اقتباس:
المشاركة الأصلية كتبت بواسطة mostafa bedo
طيب خد نصيحة بقى من معلم أول رياضيات
الرياضيات اللى انت درستها طول حياتك كوم
ورياضيات 2 كوم تانى خالص
الرياضيات لحد تانيه ثانوى بسيطه ولو انت مخك نظيف بتفهما بسهوله
والامتحانات فى السنوات السابقة بتيجى هايفه وتلاقى نفسك جايب درجات نهائية بدون مذاكره وتقول على نفسك انا زى الفل وعبقرى رياضيات وده مش حقيقى بسبب سهولة الامتحانات فى النقل وسياسه نجح وخلاص فى التربية والتعليم
فى تالته ثانوى المنهج كبير جدا والفروع كثيرة كل ما بتذاكر فرع هتنسى التانى
فى ثالته ثانوى محتاج استدعاء كل المعلومات اللى درستها فى الرياضيات من أول نظريات الهندسة فى أولى اعدادى لحد المتتابعات فى تانيه ثانوى طبعا بمساعده معلمك
أنا مش بعقدك بس بظهرلك الحقيقة ...... أعرف طلبه عباقره بس ملهومش خلق فى القعده والمذاكر بيعانوا دلوقتى فى الامتحانات وحالتهم النفسيه زى الزفت هما واهاليهم بسبب عدم تقديرهم الصح للأمور وبسبب تضيعهم للوقت طول السنة والغرور بعقلهم وعبقريتهم فقط والجرى ورا الدروس وخلاص بدون اى جهد فردى يذكر
امتحانات رياضيات 2 غالبا بيجى فيها افكار وبيحبوا يخترعوا علشان يظهروا الطالب المتميز
ده فيه أسئلة بتثير الجدل والخلاف بين المدرسين نفسهم هههههههههه وبصراحة انا شايف ان ده الصح
لازم تكون يتعشق الرياضيات وتحافظ على الثانية من وقتك وتستثمرها فى ما هو مفيد وتنسى الكافيها والبلاى ستيشن والحاجات اللى بتضيع الوقت وبتستمتع بمذاكرتها وعندك استعداد تقعد تذاكرها بالساعات وبلاش الهبل اللى بيحصل وتاخد اكتر من درس فى المادة واحد بتاع مسائل وواحد بتاع شرح والكلام الفارغ ده اللى بيضيع الوقت والفلوس
لازم تحل مسائل كثير جدا فيها لوحدك ومن نفسك مش مجرد واجب درس عاوز تخلص منه وخلاص
فى الحالة ديه فقط هتلاقى رياضيات 2 بقت متعة بالنسبة لك وحل المسائل هيبقى عندك اكثر متعه من القعده على الكافيهات والبلاستيشن
وهتبقى جاهز للامتحانات ديه وهتستمتع بيها وسنتك هتعدى على خير بإذن الله
وفرصتك هتبقى ممتازة ومضمونه بإذن الله تعالى فى دخول الكلية اللى تحبها
وبالتوفيق ان شاء الله
سبحان الله. سيبك من كلام الناس وتوكل على الله لان ربنا مبيضيعش مجهود اى حد.
الثانويه العامه لو بتذاكر فيها اول باول هتلاقيها سهله جداً واسهل كمان بكتير من الكليات العمليه
فانت ذاكر كويس وهات مجمود كويس بحيث يبقى عملت اللى عليك. انما اللى بيضربها طناش ويجيب مجموع اى كلام ويدخل كليه من الكليات اللى بتبقى فيها بالعشرين الف طالب وسوق العمل مكدس بيهم وفى الاخر يشتم فى البلد وهوه كان مقضيها لعب و بنات وكلام من ده. من الاخر خد بالاسباب معنى انك داخل علمى رياضه يبقى هدفك تدخل هندسه وبالتوفيق